තමන් එෆ්.සී.අයි.ඩී යට නඩු දාන්න පටන් ගත්තා පමණක් බවත්,තවත් නඩු දමන බවත් පාර්ලිමේන්තු මන්ත්‍රී නාමල් රාජපක්ෂ මහතා පවසයි.

අද(12) හම්බන්තොට,මෛත්‍රීගම ප්‍රදේශයේ පැවති ජන හමුවකට එක්වෙමින් මන්ත්‍රීවරයා කියා සිටියේ මෙරට අධිකරණ පද්ධතිය සම්බන්ධයෙන් තවමත් විශ්වාසය පවතින බවයි.

තමාව අත්අඩංගුවට ගැනීමට පැමිණි පොලිස් නිලධාරියා මිනී මැරුම් නඩුවකට ඇප පිට නිදහස්වී සිටින අයෙකු බවත්,ඔහුට ඇප ලැබී ඇත්තේ සති දෙකකට පමණ ඉහතදී බවත් රාජපක්ෂ මහතා සඳහන් කළේය.

එවිට තමාව හිරේ දාන්න පැමිණි කෙනා තමාටත් වඩා හොරෙකු බව පැහැදිලි යයි ඔහු කියා සිටියේය.

රටේ මිනී මැරුම්වලින් 71% ක් නවත්වා ඇති බව පොලිස්පතිතුමා කියන තත්ත්වයක් තුළ එතුමන්ගේ ආයතනය තුළ සිටින හොරුන්ද හොයන ලෙස එතුමන්ගෙන් ඉල්ලා සිටින බව මන්ත්‍රීවරයා මෙහිදී වැඩිදුරටත් කියා සිටියේය.

LEAVE A REPLY