තමන් සමග සාකච්ඡා සඳහා පැමිණෙන්නැයි ජනාධිපති මෛත‍්‍රීපාල සිරිසේන මහතා ඒකාබද්ධ විපක්ෂයේ පාර්ලිමේන්තු මන්ත‍්‍රීවරුන් පිරිසකට ආරාධනා කර තිබෙනවා.

ඩලස් අලහප්පෙරුම, රංජිත් ද සොයිසා, මහින්දානන්ද අලූත්ගමගේ, කුමාර වෙල්ගම සහ කෙහෙළිය රඹුක්වැල්ල යන පාර්ලිමේන්තු මන්ත‍්‍රීවරුන් එලෙස ආරාධනා ලැබූ කිහිපදෙනෙක්. බන්දුල ගුණවර්ධන, පියල් නිශාන්ත සහ ජානක වක්කුඹුර ද ආරාධනා ලැබූවන් අතර වනවා.

මෙම පාර්ලිමේන්තු මන්ත‍්‍රීවරුන්ට පෞද්ගලිකවම දුරකථනයෙන් අමතා ජනාධිපතිවරයා සාකච්ඡා සඳහා ආරාධනා කර ඇති බවයි අප වෙත වාර්තා වුණේ.

මෙම කාරනාව සම්බන්ධව අප කුමාර වෙල්ගම මැතිතුමාගෙන් විමසු අතර ඔහු කියා සිටියේ ගරු මෛත්‍රීපාල සිරිසේන මැතිතුමා අපේ පක්ෂයේ නායකයා. එතුමා කතා කරන ඕනෑම වෙලාවක අපි එතුමා ලඟට යනවා අපේ දේශපාලන මතවාද මොනවා උනත් එතුමා අපේ නායකයා.

ආරාධනා ලැබූ සියලු දෙනා ශ‍්‍රී ලංකා නිදහස් පක්ෂයෙන් වෙන්ව අලුත් පක්ෂයක් තැනීමට විරුද්ධව සිටින අය බවද සඳහන් වනවා.

ජානක වක්කුඹුර මන්ත‍්‍රීවරයාගෙන් පුරප්පාඩු වූ ශ‍්‍රී ලංකා නිදහස් පක්ෂයේ කලවාන ආසන සංවිධායක ධුරයට ද තවමත් වෙනත් අයෙකු පත්කර නැහැ.

 

LEAVE A REPLY