“හිටපු ජනාධිපතිවරයා මගෙත් මිත‍්‍රයෙක්. මට දුරකථන ඇමතුම් ලබාදීලා එක එක වැඩ පවරනවා. ඒවත් මම කරලා දෙනවා“ සෞඛ්‍ය අමාත්‍ය රාජිත සේනාරත්න මහතා පවසයි.

රාජ්‍ය සේවා එක්සත් හෙද සංගමයේ 47 වන සංවත්සර මහා සමුළුව ජනාධිපති මෛත‍්‍රීපාල සිරිසේන මහතාගේ සහ සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්නගේ ප‍්‍රධානත්වයෙන් කොළඹ සුගතදාස ගෘහස්ථ කී‍්‍රඩාංගණයේදී ඊයේ (16) පැවැති අතර එහිදී අදහස් දක්වමින් අමාත්‍යවරයා මේ බව කීවේය.

රාජ්‍ය සේවා එක්සත් හෙද සංගමයේ සභාපති පූජ්‍ය මුරුත්තෙට්ටුවේ ආනන්ද හිමියන්ට තමන් සමග එක්වන්නැයි ආරාධනා කරන බවද අමාත්‍යවරයා එහිදී පැවසීය.

“මුරුත්තෙට්ටුවේ ආනන්ද හාමුදුරුවොයි මමයි මොකටද සටන් කළේ. ජේ ආර් ගේ ව්‍යවස්ථාව හකුලා ගනිව් කියලා. ඔබ වහන්සෙයි මමයි පිකටින් කීයක් තිබ්බද?. පෙළපාලී කීයක ගියාද?. දැන් මම එතන ඉන්නවා.. ඔබ වහන්සෙත් ඉන්න එපැයි මට ඉස්සරහින්. හැත්තෑ ගණන්වලදි තිබ්බ අපේ ප්‍රාර්ථනා ඉෂ්ඨ කරන්න දැන් ආණ්ඩුවක් හම්බවෙලා තියෙනවා. ආණ්ඩුව හම්බවුණාම හාමුදුරුවො වෙන වෙන කට්ටියත් එක්ක රැස්වීම් තියලා හරියන්නෙ නැහැ. ඒ නිසා අපි මේ ගෙන යන සටනත් එක්ක එන්න ඔබ වහන්සේ. මිත්‍රකම් තියාගන්න වෙන වෙන කට්ටියත් එක්ක. “හිටපු ජනාධිපතිවරයා මගෙත් මිත‍්‍රයෙක්. මට දුරකථන ඇමතුම් ලබාදීලා එක එක වැඩ පවරනවා. ඒවත් මම කරලා දෙනවා.”

 

LEAVE A REPLY