පාර්ලිමේන්තු මන්ත‍්‍රී නාමල් රාජපක්ෂ මහතා  මිලියන 70 අධික  මුදල් අපහරණය සම්බන්ධයෙන් චෝදනාවකට පොලිස් මූල්‍ය අපරාධ විමර්ශන කොට්ඨාශය විසින් මීට සුළු මොහොතකට පෙර අත්අඩංගුවට ගෙන තිබෙනවා.

පාර්ලිමේන්තු මන්ත‍්‍රී නාමල් රාජපක්ෂ මහතා පොලිස් මූල්‍ය අපරාධ විමර්ශන කොට්ඨාශය මගින් අත්අඩංගුවට ගැනුණා. ඒ, රුපියල් මිලියන 70 ක මුදලක් අස්ථානගතවීමේ සිද්ධියක් සම්බන්ධයෙන්.

රග්ර් ක‍්‍රීඩාව දියුණු කිරීමට යැයි පවසමින් සිලෝන් ප‍්‍රිමියර් ක‍්‍රීඩා සමාජයට රුපියල් මිලියන 70 ක මුදලක් ලබාදෙන ලෙසට නාමල් රාජපක්ෂ මහතා විසින් ක‍්‍රිස් සමාගමට දැනුම්දීමක් කරනු ලැබ තිබුණා.

පෞද්ගලික සමාගම් දෙකක් සමග සිදු කළ මුදල් ගනුදෙනුවක් සම්බන්ධයෙන් නාමල් රාජපක්ෂ මහතා අද (11) පෙරවරුවේ ප්‍රකාශයක් ලබාදීමට එහි පැමිණියා.

ප‍්‍රශ්න කිරීමෙන් අනතුරුව මන්ත‍්‍රීවරයා මෙලෙස අත්අඩංගුවට ගෙන තිබෙනවා.

තව නොබෝ වේලාවකින් නාමල් රාජපක්ෂ මහතා කොටුව මහේස්ත‍්‍රාත්වරයා හමුවට ඉදිරිපත් කිරීමට නියමිතයි.

 

LEAVE A REPLY